80-годишна жена од Скопје вчера пријавила во полиција дека била измамена за сума од 10.000 евра, откако ѝ се јавил човек кој се претставил како лажен полицаец, соопшти МВР. Тој ѝ кажал дека нејзината ќерка усмртила дете во сообраќајна несреќа во Германија и дека таа треба да ги плати парите за ќерката да не оди во затвор.

„На 06.02.2025 во 11.00 часот во СВР Скопје, 80-годишна жена од Скопје пријавила дека била измамена од едно лице за сума од 615.000 денари. Според пријавеното, лицето телефонски ѝ се јавило и се претставило како полициски службеник кој работел во Германија, каде живеела и нејзината ќерка, и ѝ кажало дека нејзината ќерка предизвикала сообраќајна несреќа во која прегазила дете кое починало и доколку не сака таа да лежи во затвор, требало да плати. Како што е пријавено, таа подигнала пари од банка и ги оставила на договореното место, а подоцна откако се слушнала со нејзината ќерка сфатила дека била измамена“, пишува во полициското соопштение.

Од МВР велат дека се преземаат мерки за расчистување на случајот.

Во последниве недели имаше бран на успешни измами со истата „приказна“, особено во Куманово, во која главно настрадаа повозрасни луѓе.

Уште една жртва на измамата со лажен полицаец и сообраќајка – пензионер остана без 100.000 денари