Стар рецепт за туршија: Ќе ги заштитите сите витамини од зеленчукот
Ако сте љубител на туршија, задолжително одвојте време да ја направите „најздравата салата на светот“.
Препорачано
-
1
-
2
-
3
Ако веќе сте совладале како да киселите зелка, време е тоа да го направите и со туршијата. Туршијата спаѓа во една од најздравите салати и е задолжителен дел од зимското мени. Единствен начин да ги заштитите сите витамини од зеленчукот е да ја направите оваа „најздрава салата“.
Состојки:
– 5 кг туршија: краставици, пиперка, моркови, зелен домат, карфиол, мал кромид
– 5 литри вода
– 1 л оцет 9 отсто
– 13 лажици шеќер
– 5 супени лажици сол
– 1 ќесичка винобран
– зачини: рен, бибер во зрно, ловоров лист…
Подготовка:
Краставиците потопете ги накратко во вода, а потоа добро измијте ги и исечете ги петелките. Пиперките (најдобро жолти и зелени) прободете ги со виљушка на неколку места за полесно да ја впијат течноста, карфиолот исечете го на цветчиња, исчистете го младиот морков.
Сиот зеленчук ставете го во буре, па прелијте го со вода (неварена) во која се додадени оцет, шеќер, сол и винобран. Зачинете по вкус, а потоа притиснете го добро да се впие во течноста. Зеленчукот можете и дополнително да го додавате, како и соодветната количина сол, важно е секогаш да биде покриено со течност.
