Стар рецепт од нашите баби: Слатко од бело грозје од само 4 состојки
Во минатото, утрата не можеле да се замислат без шолја кафе и лажица домашно слатко. Нашите баби правеа слатко од бело грозје, а рецептот се пренесува од колено на колено. За подготовка на овој деликатес ви требаат само 4 состојки.
Препорачано
Разубавете си го секојдневието себеси и на вашето семејство со слатко по стар рецепт, па сигурно сите пријатели и роднини ќе ви го побараат рецептот.
Состојки:
– 1 кг бело грозје
– 1 кг шеќер
– 100 мл вода
– 1 лимон
Подготовка:
Грозјето исчистете го од дршките, убаво измијте го и оставете го да се исцеди. За тоа време, во широка шерпа сипете го шеќерот. Додајте ја водата и загрејте на средна топлина со постојано мешање додека не се раствори шеќерот. Пред да почне да се карамелизира, додајте го грозјето. Внимателно измешајте за грозјето убаво да се покрие со шеќер. Гответе на умерен оган. За време на готвењето ќе се формира пена, која треба да ја отстраните. Ќе дознаете дека е сварено кога ќе фатите со лажица и нема да биде течно како вода. На самиот крај на готвењето додајте исечкан лимон. Гответе уште пет минути, а потоа тргнете го од шпоретот. Слаткото истурете го во топли и претходно стерилизирани тегли, затворете го капакот, покријте го со ќебе и оставете ги целосно да се изладат. Потоа, чувајте ги на темно и ладно место.
