Аури Кананен, 30-годишна жена од Тампере, Финска, открила дека станала милионерка работејќи работа која никој друг не сакал да ја работи.

Сè започнало како споредна работа – чистење куќи. Аури почнала да чисти бесплатно во 2020 година. Но, откако почнала да објавува видеа на социјалните мрежи со документирање на нејзината работа и споделување совети за чистење, таа привлекла спонзори и почнала да заработува преку реклами.

Денес, Аури, која почнала да чисти на 16-годишна возраст, има повеќе од 10 милиони следбеници на ТикТок и заработува 500.000 евра само од нејзиниот канал на Јутјуб.

„Чистењето е забавно – најдобрата работа на светот. Го обожавам. Се чувствувам исполнето. Среќна сум и многу опуштена, како животот да ми е целосен“, изјави Аури.

„Парите не го сменија тоа што сум, едноставно сакам да чистам и да го споделувам тоа со целиот свет. Ја сакам мојата работа. Неверојатно задоволство е кога ќе избришеш дебел слој прашина. Тоа е едноставно најдоброто чувство на светот“, вели таа. „Првата идеја за споделување на мојата работа на социјалните мрежи ја добив за време на пандемијата, во јуни 2020 година – знаев дека луѓето ќе бидат заробени дома и сакав да им покажам колку може да биде едноставно чистењето.“

Отворила профили на ТикТок, Инстаграм, Јутјуб и Фејсбук, почнала да споделува видеа кои прикажуваат неверојатни трансформации на просторот пред и по чистењето.

„Тие видеа станаа вирални, со 1,9 милиони прегледи, а потоа двојно и тројно повеќе. До декември имав три милиони следбеници, а сега имам повеќе од 10 милиони на сите мои канали. Следниот јуни станав самовработена, благодарение на мојот успех на социјалните мрежи“, откри Аури.

И додека на многумина сметаат дека работата на чистачка е непријатна, Аури заклучува: „Луѓето можеби ја сметаат мојата работа за одвратна, но јас никогаш не сум посреќна отколку кога сум до колена во мувла и нечистотија“, пишува The Sun.