Четириесет и едногодишен македонски државјанин бил приведен вчера од страна на српската полиција на граничниот премин „Прешево“. Според пишувањата на српските медиуми, Македонецот се сомничи дека шверцувал ампули од медицински препарат.

При контрола на граничниот премин Прешево, на влез во Србија, во автомобилот „ауди кју8“ во кој се наоѓал пријавениот, во багажникот меѓу лични предмети била пронајдена поголема количина ампули од медицински препарат.

На приведениот Македонец му е одредена мерка притвор до 48 часа и со кривична пријава ќе биде спроведен до надлежното обвинителство“ѓ.