Во киното во трговскиот центар „Сити мол“ вчера се случил инцидент во кој, според пријавеното во полиција, 45-годишен човек физички нападнал малолетно девојче, поради тоа што тропало со нозете по столчето на кое седел нервозниот скопјанец, соопшти МВР.

„На 05.06.2023 во 20.00 часот во СВР Скопје било пријавено дека во кино сала во трговски центар на подрачје на Карпош, А.Ш.(45) физички нападнал малолетничка од Скопје откако, според пријавеното, таа претходно удирала со нозете по седиштето на кое тој седел“, велат од полицијата.

Од МВР додаваат дека работат на расчистување на случајот.