Среде гласините за разделба: Бен Афлек и Џенифер Лопез ја продаваат семејната куќа за 60 милиони долари
Вилата во Бел Ер, која популарната двојка ја купи по нивната венчавка, се наоѓа на пазарот на недвижности за 60 милиони долари.
Препорачано
Се почести се гласините за криза во бракот на познат пар, а неодамна беше објавено дека Бен Афлек се иселил од палатата. Исто така, Џенифер Лопез неодамна беше забележана без бурма, што според некои значи дека бракот на парот е во криза.
Неодамна Лопез на својата веб-страница објави дека нема да ја одржи турнејата „This Is Me…Live The Greatest Hits“ и дека оваа одлука ѝ била многу тешка.
Jennifer Lopez and Ben Affleck selling $60 million marital home amid looming divorce: report https://t.co/PzM5Q7wVys pic.twitter.com/JAIVAQVu3t
— Page Six (@PageSix) June 8, 2024
Џенифер Лопез и Бен Афлек се венчаа по вторпат на раскошна церемонија на неговиот имот во Џорџија. На церемонијата присуствуваа нивните деца, но и бројни познати личности.
Среќната двојка стапи во брак 20 години откако првпат почнаа да се забавуваат и решија да се свршат, но во 2003 година ја откажаа венчавката, обвинувајќи го големиот медиумски притисок за нивната разделба.
Двојката најмила агент за недвижности за да ја продаде нивната вила која е на пазарот околу две недели, но сепак нема сериозни купувачи. Вилата што сега ја продаваат е купена за 50,85 милиони долари, а сега е на продажба за 60 милиони долари.
Вилата располага со 17 спални соби, 30 бањи, паркинг за 80 возила, како и комплетно опремен спортски комплекс.
