Српскиот претседател Александар Вучиќ изјави дека според последните податоци со кои располагал засега полицијата добила 3.000 парчиња оружје, десетици илјади куршуми и мини-експлозивни направи.

Тој додаде дека тоа го намалува ризикот од самоповредување и повредување на другите луѓе.

– Никој не може да предвиди сѐ, што може да се случи, но наше е да пробаме сѐ – изјави Вучиќ на телевизија „Пинк“.

Тој истакна дека веќе почнал да добива писма дека „не убива оружјето туку човекот“.

– Ќе продолжиме со земање нелегално оружје, а потоа ќе анализираме се што е легално – рече Вучиќ.

Како што додаде, луѓето мора да продолжат да работат, а тоа треба да биде уште потешко.

– Мора да работите, да дишете, да пиете вода. Денес не е лесен ден, имате обврски. Имаме луѓе кои доаѓаат од Малдиви, со Саманта не треба да кажам колку е важен разговорот. Разговорот со Петер Сијарто е особено важен. Имаме многу билатерални работи за разговор. Секако, работата продолжува, бараме што поскоро да влеземе во нешто што е уште потешко – рече Вучиќ.