Министерот за одбрана на Србија, Братислав Гашиќ, синоќа објави дека може да се очекува првата генерација регрути да служи задолжителен воен рок на почетокот на следната година и најави дека српската армија подготвува повеќе од 120 простории за таа намена.

Гашиќ изјави дека за да се постигне тоа мора да се достават голем број законски и подзаконски акти.

„Тоа е процес кој воопшто не е лесен или евтин. Веднаш почнавме со подготовка на Министерството за одбрана, пред се на законските и подзаконските акти што треба да ги донесеме во наредниот период, и очекувам дека на есенската сесија на собранието веќе ќе влеземе со нов сет закони за војската. Во моментот кога ќе почнеме да работиме во собранието, се надевам дека ќе започне и законот за војската и враќањето, односно некаде во јануари-март, кога ќе започнеме со првата генерација војници“, изјави Гашиќ за „Еуроњуз“.