Српската влада во понеделникот го именуваше министерот за внатрешни работи Братислав Гашиќ за член на своето ново Координативно тело за родова еднаквост, и покрај фактот што тој од министерска функција беше сменет во 2016 година поради сексизам, објави balkaninsight

Во владината одлука за именување на Гашиќ се вели дека Координативното тело за родова еднаквост „разгледува прашања и ја координира работата на органите на државната управа поврзани со родовата еднаквост, со цел да се подобри родовата еднаквост во Република Србија“.

Во јануари 2016 година, Гашиќ беше разрешен од функцијата министер за одбрана поради сексистичка забелешка што ѝ ја кажа на репортерката Златија Лабовиќ од ТВ Б92.

Таа при вршење на својата работа клекна за да му ослободи пат на својот колега, а тој рече:

„Ги сакам новинарките кои лесно клекнуваат на колена“, рече Гашиќ.

Забелешката налути многу новинари и предизвика протести пред зградата на владата во Белград, каде новинарите бараа негово разрешување. Бесот предизвика негово конечно отстранување од функцијата.