Komisioni Rregullativ i Shërbimeve të Energjisë dhe Ujit ka sot seancë përgatitore për të shqyrtuar Projektvendimin për heqjen e licencave për prodhimin, shpërndarjen dhe furnizimin me ngrohje të Balkan Energy Group (BEG).

“Javën e ardhshme pritet të mbahet seanca kryesore, në të cilën do të merren vendimet përfundimtare për heqjen e licencave për prodhimin, shpërndarjen dhe furnizimin me ngrohje të Balkan Energy Group”, tha për MIA-n zëdhënësja e ERC-së, Marina Uzunov.

Presidenti i ERC Marko Bislimoski njoftoi javën e kaluar se Komisioni është në proces të heqjes së licencave të Balkan Energy Group (BEG).

- Kjo do të thotë se në momentin kur do t'i heqim licencat do ta informojmë Qeverinë dhe në përputhje me Ligjin për Energji, Qeveria është e obliguar të shpallë tender në të cilin do të duhet të gjenden kryerës të rinj të aktivitetit energjetik. Nuk do të ketë pasoja për revokimin e licencave dhe as qytetarët e as industria nuk do të paguajnë asnjë qindarkë, tha Bislimoski në pyetjen e gazetarëve në konferencën e sotme për media së bashku me profesorin Rubin Taleski nga FEEIT ku është bërë kalkulatori për tarifën e re. Sistemi për furnizues universal të energjisë elektrike që sot është i disponueshëm në ueb faqen e ERC-së www.erc.org.mk përmes të cilit qytetarët mund të bëjnë krahasime të faturave ndërmjet sistemit ekzistues dhe atij të ri tarifor me bllok tarifat për tarifën e lartë të energjisë elektrike të konsumuar.

Ai bëri të ditur se të gjitha procedurat do të përfundojnë me kohë, dhe deri në përfundimin e tyre, siç tha ai, kryerësi ekzistues i aktivitetit energjetik është i obliguar që ta kryejë aktivitetin.

Burimi: MIA