Kuba legalizon martesat e të njëjtit seks
Kuba legalizon martesat mes të njëjtit seks pasi qytetarët votuan në favor të Kodit të Familjes, i cili rrit mbrojtjen e pakicave në shtetin ishull, njoftoi sot Këshilli Kombëtar Zgjedhor.
Nga ata me të drejtë vote, 74,1 për qind dolën për të votuar në referendumin e djeshëm kombëtar.
Me 94 për qind të votave të numëruara, 3,936,790 votuan pro dhe 1,950,090 kundër.
Kodi i ri i familjes rrit mbrojtjen për gratë, fëmijët dhe të moshuarit dhe lejon çiftet LGBTQ+ të martohen dhe të birësojnë fëmijë.
Megjithëse homoseksualiteti ka qenë i ligjshëm në Kubë që nga viti 1979, shumë anëtarë të komunitetit LGBTQ+ thanë se ende përballen me diskriminim të hapur.