Хуманитарниот тениски турнир „Адриа Тур“ започна со меч во двојки во кој се сретнаа Новак Ѓоковиќ и Јелена Јанковиќ против Ненад Зимоњиќ и Олга Даниловиќ.

Во центарот на вниманието покрај првиот светски рекет, беше и Јанковиќ која после три години повторно игра тенис, а на крајот се радуваа на победа во тај-брејк со 7:6.

Првите три гема на „ТЦ Новак“ ги освоја Јанковиќ и Ѓоковиќ, а потоа после сервисот на Даниловиќ следуваше серија на вториот микс дубл пар и дојдоа до израмнување на 3:3.

Во понатамошниот дел од дуелот се играше гем за гем, поен за поен. Никој не успеа да направи разлика, па на крајот победникот се дозна после тај-брејк“ каде што исто така беше драматично.

После 11 одиграни поени Ненад и Олга имаа меч топка, но Даниловиќ ја погоди мрежата. Ова го искористија поискусните тенисери и дојдоа до триумф, прв на „Адриа Тур“.