Вечерва е пронајдено 17-годишното момче Ловре Матушиќ, кое утрово исчезна на ридот Марјан над Сплит, соопшти Хрватската служба за планинско спасување (ХГСС). Тинејџерот бил извлечен и веднаш пренесен во болница, јавуваат хрватските медиуми.

Во сплитската парк-шума Марјан од рано утрото се водеше интензивна потрага по момчето.

„Ве информираме дека момчето по кое се трагаше е пронајдено на Марјан и е пренесено во Сплитската болница за укажување лекарска помош“, соопшти сплитско-далматинската полиција, додавајќи дека им се заблагодарува на граѓаните за нивната помош.

Засега нема детални информации за местото на кое било пронајдено момчето и за неговата здравствена состојба.

По сплитскиот тинејџер цел ден трагаше полицијата, хрватската крајбрежна стража, пожарникарите и кучиња трагачи. Единствената трага што е пронајдена е велосипедот на момчето, а според неофицијални информации, покрај него имало крвави траги.

ВИДЕО | Драма во Сплит: Стотици луѓе цел ден бараат исчезнато момче