Сосема очекувано, Лучијано Спалети е прогласен за тренер на сезоната во Серија А за изминатата сезона.

Спалети успеа на Наполи да му го донесе Скудетото на кое овој клуб чекаше 33 години и тоа на доминантен начин.

Наградата искусниот стратег ќе ја прими пред последното 38. коло во Серија А во кое Наполи на 4. јуни ќе се соочи со Сампдорија.

За тимот на Елиф Елмас ова беше трето Скудето во историјата, а последното го освоија во времето на Марадона во 1990 година.

И покрај освоената титула Спалети веќе потврди дека го напушта Наполи и нема да има нов ангажман во наредната една година.