Сосот на познатата италијанска готвачка Марсела Хазан е прогласен за најдобар на светот – се состои од само 3 состојки
Кој вели дека готвењето секогаш може да биде комплицирано?
Препорачано
Доколку сте љубители на тестенини, тогаш шпагетите сигурно ви се број еден кога станува збор за избор на тие јадења.
Меѓутоа, сите многу добро знаеме дека за шпагетите да бидат посебно вкусни, потребен ни е некој сос што ќе го овозможи тоа.
А, тука сите имаат свои комбинации, што е сосема нормално, затоа што за вкусовите не се расправа. Но, интересно е тоа што еден рецепт за сос е избран за најдобар на светот.
Неговата авторка е покојната италијанска готвачка Марсела Хазан, а рецептот е од 1992 година, кој сега во анкета на магазинот „Делиш“, бил избран за најдобар во светот.
Марсела Хазан, родена Италијанка, која живеела и починала во САД, била позната готвачка и авторка, а во својата книга ја открила тајната на својот најдобар сос од тестенини.
За овој фантастичен сос потребни ви се само три состојки.
– домати од конзерва
– кромид
– путер
– (сос по желба)
Подготовката за сосот не може да биде поедноставна:
Во тенџере ставете половина кромид, без сечкање, додајте многу путер и кратко пропржете. Додајте ги изгмечените домати и варете на тивок оган 45 минути. Марсела тврдела дека кромидот или другите состојки не треба да се исечкаат. Само додајте да се готви сè заедно и измешајте ги вкусовите.
Откако ќе прокрчка, сосот може да го додадете врз шпагетите што претходно сте ги свариле.
Пријатно јадење!
