Сопственикот на дивоградбата кај ТЦ Мавровка, Мевљудин Алити која денеска се урива, денеска за новинарите изјави дека објектот е легален. Мелити кој се појави пред објектот дојде со адвокат како и повеќе документи за градба.

– Нека руши државата како што е научена да руши, нека ми ги остави вработените и фамилијата без леб. Ќе одам во Стразбур ако треба, истакна Алити.

Тој вели дека денеска закажал прес-конференција за новинарите во 11.30 часот, но дека претходно започнале да му го рушат објектот.

Алити додаде дека некој пробува да го отстрани од таа локација, а заедно со неговиот адвокат велат дека за обновата на објектот нема потреба од дозвола за градба.

– Од нас е поднесено барање до Општина Чаир за обнова на објектот, на кое не добивме одговор. Денеска гледаме дека објектот се урива, вели адвокатот на Алити.

ВО ЖИВО: Почна уривањето на дивоградбата кај ТЦ Мавровка