Во глетката која потсетува на сцени од филмови за катастрофи, една вила во Малибу пркосно стои меѓу изгорените урнатини. Оваа импозантна куќа на три ката, вредна 9 милиони долари, е во сопственост на Дејвид Стајнер, пензиониран магнат за управување со отпад од Тексас.

„Тоа е вистинско чудо, а чудата навистина никогаш не престануваат“, изјави Дејвид Стајнер за The Post, опишувајќи ги драматичните моменти кога мислел дека го загубил својот дом во Калифорнија во катастрофалните пожари. Драмата започнала кога локален изведувач му испратил вознемирувачко видео од огнената стихија која ги зафатила соседните имоти.

„Гледал вести и видел како се урива куќата на мојот сосед. Ми рече дека изгледа дека и мојата е готова“, раскажа Стајнер.

Отпорна конструкција

Сопственикот верува дека неговата вила „преживеала“ благодарение на нејзината исклучително робусна конструкција.

„Куќата е изградена од камен со огноотпорен покрив. Темелите достигнуваат до 15 метри во карпата“, објаснува Стајнер, додавајќи дека градбата првично била дизајнирана да издржи земјотреси и дека не размислувале за пожари.

„Искрено, никогаш не помислив дека шумски пожар може да го прескокне автопатот на Пацифичкиот брег и да дојде кај нас.

Освен по својата отпорност, вилата е единствена и по својата архитектура, која потсетува на луксузен брод за крстарење.

„Всушност дизајнирана е како брод за крстарење. Оџакот од каминот изгледа како бродски оџак, а задниот балкон како палуба со поглед на океанот“, опишува гордиот сопственик на вилата од 390 квадратни метри која го преживеа катастрофалниот пожар.

„Ова не се среќни времиња. Јас изгубив само материјален имот што можам да го заменам. Не ги изгубив семејните спомени бидејќи ова не беше наша примарна резиденција. Но, можам да ја заменам. Таа не е личност“, вели Стајнер, кој ја купил куќата првенствено како место за престој додека ги посетувал своите синови кои студирале во областа.

Иако вилата останала да стои, Стајнер е свесен дека не е целосно поштедена бидејќи очекува значителна штета од чадот.