Сопственикот на лимузината во која загина Лејди Ди: Не знам каде е, сакам да ми ја вратат
Сопственикот на автомобилот во кој загина принцезата Дијана, Жан Франсоа Муса, бара да му се врати автомобилот, кој е негова сопственост по закон. Но, досега од надлежните не можел да дознае каде се наоѓа искршениот автомобил, пренесува „Mirror“.
Препорачано
Жан-Франсоа Муса, кој ја водел компанијата за изнајмување лимузини „Etoile Limousines“, вели дека не му било кажано каде се чува искршениот „Mercedes-Benz S280“.
Автомобилот со години е во центарот на теориите на заговор откако принцезата Дијана почина на 31 август 1997 година, а експертите веруваат дека остатоците од автомобилот би можеле да вредат и до 10 милиони фунти.
„Немам поим каде е автомобилот. Знам само дека е легално мој и очигледно го сакам назад. Требаше да биде вратен досега, но тоа не се покажа како возможна опција. Отсекогаш сум го поседувал целосно. Не подлежеше на какво било финансирање“, истакна Муса.
Муса рече дека сака автомобилот да биде изложен во американски музеј во чест на Дијана, но членовите на кралското семејство отсекогаш велеле дека би сакале автомобилот да биде отстранет. Според последните познати информации, тој во 2017 година бил чуван во транспортен контејнер во полициска станица во близина на Кретеј, на периферијата на Париз, Франција.
„Тука се чуваше, но беше преместен пред неколку години. Не знам каде е. Ќе треба да го прашате градоначалникот на Париз“, изјавил еден работник.
View this post on Instagram
За кобната несреќа за виновен беше прогласен возачот Анри Пол
18-месечната истрага покажа дека несреќата во која загинаа Дијана, Доди Фајед и возачот Анри Пол, ја предизвикал Пол, кој бил пијан и на антидепресиви и изгубил контрола над возилото поради несоодветна брзина.
Личниот автомобил на принцезата Дијана е продаден на аукција за 650.000 фунти
Истрагата од 2008 година во Лондон, пак, покажа дека Дијана и Доди биле жртви на незаконско убиство предизвикано од крајно несовесното однесување на Пол. Со тоа се стави крај и на тврдењата на таткото на Доди, милијардерот Мохамед Ал-Фајед, дека несреќата е заговор оркестриран од МИ6 по налог на кралското семејство.
„Немаше никаков заговор. Ова била рутинска сообраќајна несреќа, таква од каква што сите се плашиме. Сето тоа е многу тажно“, рече Муса, кој оваа година, 25-годишнината од смртта на Дијана ќе ја помине надвор од Париз.
