Сопругата на Меси: Многу сме горди на тебе, ти благодарам што нѐ научи дека мора да се бориме до крај
Сопругата на фудбалерот Лионел Меси, Антонела Рокуцо се огласи на својот инстаграм-профил по победата на Аргентина на годинашното Светско првенство во фудбал, кое се одржа во Катар.
Препорачано
-
1
-
2
-
3
Имено, таа му посвети емотивна порака на својот сопруг и потенцираше дека е многу горда на неговиот успех.
„Светски шампиони! Не знам ни како да започнам… Колку голема гордост почувствувавме за тебе, Лео Меси. Ти благодарам што нѐ научи никогаш да не се откажуваме и дека мора да се бориме до крај.
Конечно успеа и ти си светски шампион. Ние знаеме колку страдаше долги години и колку посакуваше да го постигнеш ова.
Напред Аргентина!“, стои во нејзината објава.
View this post on Instagram
Антонела ги следеше сите натпревари на Аргентина на Светското првенство, во друштво на свекорот Хорхе Хорасио Меси и свекрвата Селија Марија Кучитини. Заедно со нив на трибините беа и тројцата синови на Антонела и Лионел – десетгодишниот Тијаго, седумгодишниот Матео и четиригодишниот Чиро.
Сите тие го носеа дресот на аргентинската репрезентација со бројот 10, кој го носи Меси.
View this post on Instagram
Македонката Симона Аврамова го нашминка Лионел Меси на култната фотографија со Кристијано Роналдо
