Роузи Хантингтон-Вајтли ужива во семејниот живот со својот долгогодишен партнер Џејсон Стејтам и воопшто не се грижи поради нивната значителна разлика во годините.

Во интервју за „Сандеј тајмс“ британската манекенка и актерка зборуваше за нејзината романса со Стејтам како и за воспитувањето на нивниот осумгодишниот син Џек и тригодишната ќерка Бела.

Зборувајќи за нивната разлика во години – таа ќе има 40 кога тој ќе наполни 60 за две години – Хантингтон-Вајтли, која сега има 38 години, рече дека тоа никогаш не било проблем.

„Посветена сум на моето семејство“, рече таа. Почнааа да се забавуваат во 2010 година, а се свршија во 2016 година. Денес се сметаат за еден од најстабилните и најхармоничните познати парови.

„Семејството ми е многу важно, а тој е навистина неверојатна личност во мојот живот. Живееме ден за ден. Има многу љубов, забава и хумор, и се обидуваме да успееме. Врските минуваат низ многу фази. Мора да се држиш до тоа. Се обидувам да бидам најдобрата верзија од себе. Можеш да ја контролираш само својата страна, нели? Мојата среќа не е во негови раце. Само се обидувам да го направам својот дел.“

Кога ја прашале дали таа и Стејтам, кој има 57 години, наскоро ќе се венчаат, таа одговорила: „Можеби еден ден. Никогаш не ми било премногу важно. Едноставно не ми треба голема, гламурозна свадба во моментов. Ако се случи, ќе биде дискретна.“

Во моментов, двајцата се фокусирани на своите деца. Тие се преселија од Лос Анџелес во Лондон во 2020 година за да ги одгледаат Џек и Бела во Велика Британија и полесно да ги балансираат работата и семејните обврски.

Таа објасни: „Отсекогаш планиравме да ги донесеме нашите деца тука. Ги сакаме училиштата, образовниот систем. Тие растат како Британци, со британски акцент, што ни беше важно, и имаме голема поддршка тука. Родителите на Џеј живеат во близина и ги гледаат децата речиси секој ден, моето семејство ги посетува на секои шест до осум недели, а летото одиме во Девон, каде што нашите деца трчаат низ фармата исто како што правев јас кога бев мала. Тоа е навистина посебно за нас.“

Хантингтон-Вајтли, исто така, го пофали стилот на родителство на Стејтам, нарекувајќи го „многу вклучен и исклучително посветен татко и неверојатно поддржувачки партнер“.

„Го нарекувам човечко игралиште, бидејќи децата постојано се врз него, се качуваат и се тркалаат заедно. Тој е толку разигран. Тој човек има неверојатна количина енергија, како да нема ограничување. Тој е големо дете и самиот, но е и позитивен, нежен, внимателен и многу способен“, додаде таа. „Имам среќа што сум на работа денес, а тој е со нив, и не морам да му се јавувам за да го потсетам што да прави. Децата го обожаваат.“

Кога станува збор за споделување на родителските должности, таа рече дека двајцата „ги засукуваат ракавите и даваат сѐ од себе“ и откри дека ги возат децата до училиште на електричен велосипед кој е доволно голем за целото семејство – „што дефинитивно е само по себе глетка!“

На прашањето како мајчинството ја променило, таа призна: „Работите не се онакви какви што беа порано. По двете породувања ми требаа две години повторно да се чувствувам нормално, па дури ни тогаш не беше така.Да се ​​биде мајка е предизвик. Никогаш не знаеш дали правиш сè како што треба. Едно нешто што научив е дека патувањето е поважно од дестинацијата. Процесот мора да биде исполнет бидејќи животот е навистина краток.“