Сардините, за повеќето луѓе, не се на листата на највкусна храна. Секако дека за вкусовите не треба да се дискутира, но кога ќе прочитате зошто е добро да се јадат сардини, ќе сфатите дека вреди да ги консумирате поради овие нејзини здравствени придобивки.

Кога ќе изедете сардини како оброк, толку многу ќе ве заситат што нема да чувствувате желба за грицки и непотребна ужина. Овие ситни риби се наоѓаат практично на самиот крај од синџирот на исхрана, бидејќи се хранат со планктони.

Иако најчесто во оваа риба уживаме кога ја јадеме од конзерва во комбинација со зеленчук, овој пат ви предлагаме малку да експериментирате во кујната.

Состојки:

– 500 г. сардини
– 1 црвен кромид
– 2 чешниња лук
– 1 китка магдонос
– презла
– сол, бибер
– масло за пржење
– мајонез или тартар сос
– 2 земички
– зелена салата

Подготовка:

Исечкајте ги сардините, кромидот, лукот и магдоносот и измешајте ги во голем сад со 2-3 лажици презла. Ако смесата е премногу влажна, додајте повеќе презла. Важно е од смесата да можете да обликувате плескавици што нема премногу да се лепат на вашите раце.

Ставете ги плескавиците уште еднаш во презла и пржете ги на средна температура додека не поцрвенат. Ставете ги на кујнска хартија за да се апсорбира вишокот мрснотии. Послужете ги со неколку парчиња леб кои кратко ќе ги затоплите во истата тава.

Ставете зелена салата и плескавица на една половина. Премачкајте со мајонез или со тартар сос и преклопете со другата половина од земичките.

Добар апетит!