Пратеничката од редовите на ВМРО-ДПМНЕ Жаклина Пешевска преку собраниската говорница предложи Парламентот да го одбележи месецот на борба против ракот на дојката. Таа рече дека Октомври е светски месец за борба против ракот на дојката и дека во знак на поддршка и македонското собрание треба да го одбележи.

– Месец октомври е месец за борба против ракот на дојката. Според светската статистика на една од осум жени и се дијагностицира канцер на дојка, а тоа значи дека на секој три минути имаме по една жена на која и е констатирана таква болест. На секои 13 минути по една жена ја губи битката со оваа болест. Предлагам во оваа битка да стоиме заедно и сите да носиме розеви панделки. Во борбата против ракот на дојката ќе стоиме сите пратенци заедно. Да го обоиме собранието во розово, рече Пешевска.

Ваквиот предлог во собранието помина со аплаузи. Спикерот Талат Џафери рече дека овој предлог ќе биде прифатен од сите пратеници без гласање.

– Имајќи во предвид дека иницијативата е хуманитарна, се прифаќа. Не е битно кој го дал предлогот дали власта или е од опозицијата, битно е да е од пратеник, рече Џафери.