Ако сте љубител на месо, тогаш сигурно знаете дека зачините можат многу да помогнат околу подобрувањето на неговиот вкус. Вообичаено во подготовката на месото се користат зачини какви што се: лук во прав, црн бибер, мелен црвен пипер, нане…

Сепак, различните видови месо бараат различни видови зачини, па покрај т.н. универзални додатоци, за да станат повкусни и поароматични додајте уште неколку зачински растенија.

Ако сакате да подготвите ароматично свинско месо, во тој случај, зачинете го со сол, црн бибер на почетокот на неговата термичка обработка како и со црвен пипер, кој ќе го додадете на самиот крај. Бидејќи свинското месо има карактеристичен мирис и вкус, нему можете слободно да му додадете и жалфија, нане, ловоров лист, па дури и парчиња сечкан кромид. Сите овие додатоци ќе го направат оброкот незаменлив.

Црниот и црвениот пипер важат за најдобри додатоци на пилешкото месо. Подготовката на пилешки крилца буквално е незамислива без додавање лут буковец како и на бибер во зрна.

За истакнување на вкусот на пилешкото месо, можете да додадете и рузмарин, жалфија и босилек. Секако, доколку сметате дека ова се премногу зачински растенија за подготовка на овој вид месо, слободно изоставете некој од нив. Секогаш водете се според својот вкус и никогаш нема да погрешите.