Експертите за одржување на домот открија едноставен метод за чистење за само десет минути на ден.

Имено, преку овој метод не ви е потребно големо чистење, туку кратки и фокусирани акции кои можат да се вклопат во распоредот на секого и со текот на времето да станат навика.
Идејата зад овој пристап е постепено да го промените начинот на кој го доживувате нередот со преземање мали дневни чекори и да почнете да забележувате што претходно не ве мачело, како и да научите да дејствувате брзо без тоа да ви предизвика стрес.

Експертот за декорација на домот, Орна Фејдерс, предложи едноставна техника, десетминутен ритуал во кој го враќате просторот на неговата основна функција, со враќање на работите на нивното место и враќање на редот во просторот.

Според Фејдерс, таквиот визуелен ред има одличен ефект врз вашето расположение. Овој метод е идеален за зафатени родители, луѓе со ограничена концентрација или оние кои едноставно не можат да одвојат многу време. Фејдерс истакнува дека самата таа ја користи оваа рутина секој ден, особено во деловите од домот како што се влезната сала и кујната, каде што постојано поминуваат луѓе.

Многумина си ја олеснуваат оваа рутина со вклучување на омилената музика или поткаст, што помага задачата да се претвори во ментална пауза, а не во обврска. Иако се чини дека е премалку време за вистинска промена, десет минути со јасна цел и рок можат да донесат неочекувано голем резултат.

Покрај визуелните промени во просторот, десетминутното средување има и силен психолошки ефект, а дури и најмалите чекори можат да ви помогнат да се чувствувате помалку преоптоварени. Организираниот простор испраќа сигнал до мозокот дека работите ги имате под контрола, дури и ако остатокот од животот во моментот изгледа хаотичен.