Со натпреварот во софтбол помеѓу репрезентациите на Австралија и Јапонија започнаа натпреварувањата на 32. Летни Олимписки игри во Токио. Софтбол е натпреварување кое се игра само во женска конкуренција, а на стартот фаворизираната Јапонија со 8:1 ја совлада Австралија. Во останатите два натпревари, САД со 2:0 ја победи Италија додека Канада со 4:0 го совлада Мексико.

Натпреварувањата започнаа и на женскиот фудбалски турнир,  а на првиот натпревар, фудбалерките на Велика Британија и на Чиле ги игнорираа препораките на ИОК и на организаторот да нема политички пораки, и клечеа пред стартот на наптреварот. Средбата заврши со триумф на фаворитот Велика Британија која славеше со 2:0.

Еден од фаворитите за златниот медал, Бразил беше убедлив против Кина и славеше со 5:0 додека олимпискиот вицешампион Шведска направи изненадување и со 3:0 го совлада актуелниот светски шампион САД.