Ако пеглањето ви одзема премногу време, еден ефикасен метод ќе го олесни процесот.

Имено, станува збор за користење обична алуминиумска фолија која ќе ви помогне да го скратите времето на пеглање. Сè што треба да направите е да ја поставите алуминиумската фолија под навлаката на даската за пеглање. Кога пеглате едната страна од облеката, фолијата ќе ја рефлектира топлината назад и ќе ја испегла и другата страна, без многу напор.

Во овој случај, фолијата делува како природен рефлектор. Кога ќе ја поминете пеглата преку облеката, топлината се одбива од фолијата и се враќа низ ткаенината, па обете страни се пеглаат истовремено.

Следствено, нема потреба постојано да ја превртувате облеката, а на овој начин ќе заштедите време, енергија и сила.

Во овој процес, важно е фолијата да ја затегнете право под навлаката, без набори. Препорачливо е да ја користите сјајната страна од фолијата свртена кон облеката, бидејќи таа најдобро ја рефлектира топлината.

По пеглањето, фолијата брзо се лади, па можете веднаш да ја кренете даската. Не мора да ја менувате фолијата по секое перење; ако остане рамна и чиста, може да трае со месеци. Кога ќе се згужва премногу, едноставно заменете ја со нов слој.