Министерот за култура Зоран Љутков денеска соопшти дека до крајот на неделата ќе биде распишана јавна набавка за почеток на реконструкцијата на изгорената Универзална сала за која ќе се одвојат 20 милиони евра, а според министерот, треба да биде готова и пуштена во употреба до крајот на 2027 година

-До крајот на неделава ќе биде распишана јавна набавка и почнуваме со изградба на Универзална сала. Според динамиката која што ја имаме определено во делот на буџетот, би требало да заврши до крајот на 2027 година, рече Љутков.

Тој дополни дека за целосната реновација се одвоени 20 милиони евра, кои ќе бидат распределни од Буџетот во три години години.

-Процесот трае околу 60 дена. Ќе го распишеме тендерот и очекуваме од петок сега на 1-ви август до крајот на септември ќе ги отвориме понудиме и ќе почнеме со процесот на реконструкција, истакна Љутков.

Универзална сала се запали и целосно изгоре лани на 9 април, кратко по почетокот на градежните работи за нејзина реконструкција.