Командантот на руската морнарица, адмиралот Николај Jeвменов е пензиониран, објави рускиот весник „Известија“, повикувајќи се на неименувани извори, без да наведе причина за кадровската промена.

Евменов е заменет со адмиралот Александар Мојсеев, претходниот командант на Северната флота.

Руската Црноморска флота неодамна претрпе значителни загуби на борбени бродови и војници при украинските напади со ракети и беспилотни чамци натоварени со експлозиви.

Поради заканата од украинските оружени сили, поголем дел од руските поморски борбени единици се повлекоа од окупираниот полуостров Крим.