Романа С.(51), поранешна банкарка на Загребачка банка, е осудена на две години затвор за измамата во која незаконски подигнала и потрошила дури 117.000 евра од сметките на 66 починати клиенти. Одлуката е донесена откако беше откриено дека таа ја искористила својата позиција за незаконски да добие пари од сметки кои со години не работат, пренесува „Нова Рс“.

Така во текот на 2013 и 2014 година сама си платила 307.600 куни и 75.600 евра. Односно, вкупно околу 117.000 евра. Според пресудата, во 2013 и 2014 година во Загреб, во експозитурата на Загребачка банка во Врбане и Јарун, на работно место на семеен банкар, во замена за стекнување противправна имотна корист, без знаење и согласност на клиентите, т.е. наследниците, изготвила лажни платни налози, објавува N1.

Романа е осудена на две години затвор со обврска да ја уплати целата незаконски стекната сума во државниот буџет. Врховниот суд ја потврди пресудата.

Деновиве беше одлучено и дека Загребачка банка мора да плати околу 18.000 евра со трошоците на постапката, бидејќи штетата ја платила банката на семејството на еден од клиентите. Банкарката побарала да биде ослободена од плаќање бидејќи против правосилната пресуда „поднела уставна жалба до Уставниот суд на Република Хрватска“.

Својот план го реализирала со неовластено повлекување, главно од сметки на одамна починати луѓе, а многу нејзини клиенти живееле во соседните земји, првенствено Србија и Босна и Херцеговина.

Покрај тоа, случајот со Јове, кој почина во 1997 година, ја разоткри измамата откако неговите наследници се обидоа да ги повлечат неговите стари банкарски заштеди. Откриено е дека сметката на починатиот клиент била искористена за подигнување на 20.000 куни во април 2014 година.

Банкарката кој работеше во филијалите во Врбане и Јарун се бранела, иако пред судот и било кажано дека не може Јово тој ден да бил на нејзиниот шалтер бидејќи бил мртов 17 години.

Особено е интересен случајот со покојната Јулијана, исто така клиент на Загребачка банка. Семејството воопшто не знаело дека починатата чувала 24.000 евра и 12.000 куни заштеда во банката се додека полицијата не ги известила за тоа пред четири години.

„Баба ми почина во 1997 година, а јас немав поим за нејзините стари девизни заштеди. Како семејство дознавме за тоа кога бевме повикани во полиција во 2015 година“, сведочеше внуката на Јулијана за време на судењето.

Загребачка банка им ја надомести штетата на сите клиенти и нивните семејства без да чека правосилна судска пресуда, а се уште не се поднесени отштетни барања против поранешната банкарка, пишува Даница.хр.