Премиерот на Словенија, Роберт Голоб, потврди дека фабриката на францускиот производител на автомобили „Рено“ во словенечкиот град Ново Место ќе го произведува новиот електричен модел „твинго“, пренесуваат словенечките медиуми, јави БТА.

На овој проект работиме долго време, изјави Голоб, цитиран од агенцијата СТА. Оваа одлука доаѓа по речиси една година преговори и е дел од иницијативата на Франција за производство на електрични автомобили во Европа, забележува националното словенечко радио. Голоб посочи дека е многу горд што Словенија ги победи сите други места во Европа кои се натпреваруваа за овој проект.

Во среда ќе биде потпишан меморандум за разбирање за официјализирање на проектот. Се очекува производството на новото електрично „твинго“ да започне во 2026 година.