Поранешниот фудбалер на Удинезе и словенечки репрезентативец, Јака Бијол, потпиша договор со Лидс до 2030 година, објави денеска англискиот клуб кој од следната сезона повторни ќе игра во Премиер лигата.

Финансиските детали не беа откриени, но британските медиуми објавија дека Лидс за цетралниот бек плати 22 милиони евра за овој трансфер.

Бијол (26) беше член на Удинезе од 2022 година, а претходно на клупски играше и за Хановер, ЦСКА Москва и Рудар Велење.

Минатата сезона одигра 37 мечеви во сите натпреварувања за клубот од Удине и постигна два голови.

Претходно Лидс ангажира уште едно засилување, германскиот репрезентативец Лукас Нмеча (26) од Волфсбург. Овој напаѓач потпиша договор на две години.

За Лидс новата сезона во Премиер лигата ќе започне на 18 август на домашен терен против Евертон.