Наполи нема најдобри резултати сезонава во Италија, а ремито против Џенова (1:1) веројатно беше време за првиот човек на клубот, Аурелио де Лаурентис, да му каже на Валтер Мацари дека неговата мисија е предвреме завршена.

Како што пренесуваат медиумите од Италија, актуелниот шампион во Серија А се разделил со актуелниот тренер и само се чека официјализирање на таа одлука. Воедно за замена за искусниот Италијанец беше избран Франческо Калцона, селекторот на најдобрата фудбалска репрезентација на Словачка.

По заминувањето на Лучијано Спалети, следуваше кризен период за Наполи, кој ја започна сезоната под команда на Руди Гарсија по освојувањето на шампионската круна, но Французинот веќе во ноември го напушти стадионот Диего Армандо Марадона.

?? Francesco Calzona has just signed his contract as new Napoli head coach until the end of the season.

Calzona will remain in charge also as Slovakia national team head coach. ??

Deal signed 48h before UCL clash vs Barça, as first training session will take place tomorrow. pic.twitter.com/RwSyZWYW79

— Fabrizio Romano (@FabrizioRomano) February 19, 2024

Мацари го презеде празното место, но наместо да го „разбуди“ тимот, само ја продлабочи кризата, а Наполи со скромен просек од 1,75 бодови по натпревар падна на само 1,24 и значително се оддалечи од позициите за Европа.

Местото на Мацари ќе го заземе Калцона, кој веќе два мандати беше вработен во клубот, но како член на стручните штабови на Спалети и Маурицио Сари. Мацари го предводеше Наполи 17 натпревари со учинок од шест победи, три нерешени и осум порази, а клубот го напушти по само три месеци со многу скромен впечаток.