Словачкиот голман Мартин Дубравка го напушти Манчестер јунајтед, објавено е на официјалниот сајт на клубот.

Дубравка во септември 2022 година дојде на „Олд Трафорд“ на позајмица од Њукасл за 2,3 милиони евра, а клубот од „Сент Џејмс Парк“ реши да го врати во своите редови.

Искусниот чувар на мрежата одигра само два натпревари во дресот на „црвените ѓаволи“, во Лига купот на Англија против Астон Вила (4:2) и Барнли (2:0).

Пред да дојде во Англија, Дубравка го носеше дресот на Жилина, Есбјерг, Слован и Спарта од Прага.

Јунајтед е моментно четвртопласиран во Премиер лигата со 32 бода, а два повеќе има Њукасл на третата позиција.