Само во првиот ден од руската инвазија врз Украина соседна Словачка регистрирала повеќе од 7.000 гранични преминувања од украинска страна, јави ДПА.

Словачкото Министерство за внатрешни работи денеска информира дека од средата до денеска 7.490 украински државјани ја минале границата, што е пет пати поголем проток на луѓе од редовниот број на премини, околу 1.400 дневно.

Од сите што ја минале границата само 14 лица официјално поднеле барање за азил, соопшти Министерството, а тие биле сместени во бегалскиот камп Хумен во близина на границата.

Словачкиот конзервативен премиер Едуард Хегер, заедно со министерот за внатрешни работи Роман Микулец, денеска беше на граничниот премин „Вишне Немецке” од каде истакна дека неговата земја е подготвена да им помогне на бегалците.

ВО ЖИВО | Втор ден од руските напади врз Украина, вести од минута во минута