Во последните три кола ќе се води голема борба за титулата оваа сезона во Првата македонска фудбалска лига, а во трката се наоѓаат Шкендија, Струга и Шкупи кои имаат по 58 бодови.

В сабота на стадионот Чаир е дербито на следното коло меѓу екипите на Шкупи и Шкендија од 17.00 часот.

Фудбалскиот клуб Шкупи објави дека влезот ќе биде слободен за јавноста, за навивачите кои ќе ја даваат поддршката за своите клубови.

– Раководството на клубот одлучи на саботниот натпревар против ФК Шкендија, вратите на стадионот да бидат отворени и влезот да биде слободен. Ова е можност за сите фанови и љубители на фудбалот да дојдат да го поддржат омилениот тим кон главната цел, победата и патот до титулата – се вели во соопштението на ФК Шкупи.

ФК Шкупи воедно побара од сите кои ќе присуствуваат на трибините да се однесуваат цивилизирано и да не се предизвикуваат инциденти.