Минатата недела во КСП „Центар-Јадро“ се одржа промоцијата на сликовницата „Потрага по храброст“ од авторката Биљана Стојановска со илустрации на уметникот Владимир Лукаш во издание на „Чудна шума“.

Промотор беше Билјана Црвенковска, извадоци читаа младите читатели Давид Ангелкоски (10) и Исак Стојановски (6), а промоцијата беше заокружена со музички настап на ВИС „Тркалезна маса“: Ана Голејшка Џикова, Ѓоко Здравески, Васко Марковски, Перица Сарџоски, Владимир Мартиновски, Тома Димовски, Владимир Лукаш и Биљана Стојановска.

Наменета за најмалите читатели, „Потрага по храброст“ е сликовница што зборува за храброста и самодовербата.

Биљана Стојановска (1984) има дипломирано на Филолошкиот факултет „Блаже Конески“ во Скопје, на отсекот за македонска и јужнословенски книжевности.

Во 2015 година ја објави својата прва збирка поезија „Зборовите немаат значење“ во издание на „Антолог“. Добитник е на книжевната награда „Тодор Чаловски“ за 2017 година за книгата „Стан што се распаѓа“ (2018, „Галикул“). Tретата поетска книга „Додека спиеш“ е објавена во 2024 година во издание на „Чудна шума“.

Владимир Лукаш е музичар, визуелен уметник, поет, прозаист. Активно работи во сите сфери на уметноста.

(Текстот е објавен во „Културен печат“ број 279, во печатеното издание на весникот „Слободен печат“ на 3-4.5.2025)