Во Националниот музеј „Секели“, во градот Сфанту Георге во Романија, на 22 мај (четврток) ќе се одржи сликарски перформанс на македонскиот сликар Сергеј Андреевски.

Целта на настапот е публиката да се доближи не само до светот на уметникот, туку и до неговата татковина, Македонија, а настанот е дел од низа активности со коишто Националниот музеј „Секели“ годинава одбележува 150 години од формирањето.

Перформансот на Сергеј ќе биде музички придружуван од Миклош Деметер, познат етнограф и изработувач на музички инструменти.

Пред патувањето во Романија, Андреевски изјави: „Исклучително голема е честа што сум поканет со свој авторски печат да дадам придонес кон одбележувањето на еден значаен јубилеј во Европа!“