Славјето заврши, фудбалерите се вратија на тренинзи (ФОТО)

Избраниците на селекторот Игор Ангеловски се вратија на тренинзите и подготовките за настапите во Лигата на нации, откако во изминатите 40-тина часа го прославуваа историскиот успех – пласманот на Европското првенство.

Фудбалерите утринава го одработија првиот тренинг пред утрешниот натпревар против Естонија во рамките на Лигата на нации, натпреварување кое е нов приоритет. Со две победи, утрешната над Естонија, и триумфот над Ерменија на натпреварот кој ќе се игра на Кипар, Македонија ќе се бори за првото место во групата кое носи пласман во Б-дивизијата од идното издание на Лигата на нации.

Селекторот Ангеловски им даде слободно на Пандев, Димитриевски и Адеми, а на нивно место ги повика членовите на младата репрезентација, Дарко Чурлинов, Ристе Јанков и Тодор Тодоровски.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 100 ДЕНАРИ

Видео на денот