Познатата двојка, српскиот пејач Жељко Јоксимовиќ и водителката Јована Јоксимовиќ викендов имаа прекрасен повод за славење.

Овој датум е особено важен за нив, бидејќи ја слават првата деценија од бракот и големата љубов. А својата љубов ја крунисаа со три деца: Ана, Срна и Коста.

Јована Јоксимовиќ се огласи по овој повод и на социјалната мрежа Инстаграм објави прекрасен спомен од свадбата.

И тогаш го гледала Жељко со вљубени очи, додека го галела по лицето.

„10 години среќа и љубов“, напишала кратко во објавата Јована и го означила својот сопруг. Покрај тоа додала и емотикони со срце.

Јована и Жељко се запознаа и се вљубија во текот на нивниот ангажман на Евровизија што се одржуваше во Србија.

Тие денес важат за еден од најуспешните и најхармонични парови на српската јавна сцена.

Во 2008 година, кога се запознаа, и двајцата беа емотивно зафатени.

– Кога победи Марија, сите бевме пресреќни. Долго време се шпекулираше кој ќе биде водител, а јас на неколку состаноци предложив тоа да биде Жељко, тој е пејач кој ѝ е добро познат на евровизиската публика. Пред да се запознаеме, луѓето ми велеа дека е арогантен и чуден тип, но мислам дека погрешија. Од првиот ден се разбравме и на пробите бевме добро усогласени – изјавила претходно Јована и додала дека иако и двајцата тогаш биле емотивно зафатени, љубовта пресудила.

– И двајцата бевме зафатени кога се запознавме. Мислам дека љубовта или се случува или не. Нам ни се случи, не затоа што поминувавме многу време заедно, туку едноставно се случи – раскажала претходно Јована во емисијата „Из профила“.

Инаку, Јована и Жељко Јоксимовиќ годишнината од бракот ја слават дури три пати.

Имено, тие првпат се венчаа на егзотична дестинација далеку од очите на јавноста. На 20 јануари 2012 година го изговорија судбоносното „да“ на Малдиви.

Неколку дена подоцна, поточно на 2 февруари, тие го официјализираа граѓанскиот брак склучен на Малдиви, за кој се покажа дека е неважечки.

– Станува збор за најкомплицираната венчавка досега што се однесува до документите. Значи, нашите годишнини се: 20 јануари, 2 февруари и 14 септември – изјавила водителката во една прилика за „Хелоу“.

Третата годишнина славниот пар ја слави и од 2014 година, кога го изговорија судбоносното „да“ во црквата Александар Невски во Белград.

ВИДЕО | Жељко Јоксимовиќ го прослави јубилејниот 50-ти роденден: Јована му подарила нешто добро и вредно

Љубоморна сум! Тој е мој и Божји: Јована Јоксимовиќ за бракот со Жељко