Скопјанка останала без 18.000 денари откако оставила „депозит“, за изнајмување стан, во сандаче во Чаир, а „газдарицата“ на станот потоа исчезнала.

„На 28 септември 2025 година, во 17:00 часот во СВР Скопје, 56-годишна жена од Скопје пријави дека била измамена за сума од 18.000 денари“, соопшти МВР.

Според пријавеното, измамената скопјанка претходно на социјална мрежа стапила во контакт со жена, која наводно изнајмувала стан, а во неделата ги оставила парите за депозит во сандаче од зграда во Чаир, каде што претходно измамничката ѝ посочила да ги остави.

Според пријавеното, исто така, подоцна кога се обидела да стапи во контакт со жената, но не успеала, сфатила дека била измамена.