Жител на Скопје бесправно изградил три објекти и базен во близина на охридското село Љубаништа, на место кое е заштитено подрачје, соопшти МВР.

„СВР Охрид поднесе кривична пријава против С.Ѓ.(40) од Скопје поради постоење основи на сомнение за сторено кривично дело „бесправно градење”. Тој, на катастарска парцела во атарот на охридското село Љубаништа, кое е заштитено подрачје, без соодветна документација и без согласност од Националниот парк „Галичица” изградил три објекти цврста градба и еден базен“, велат од полицијата.

По извршениот инспекциски надзор, овластен градежен инспектор при општина Охрид донел решение за отстранување на нелегалните објекти, додаваат од МВР.