Двајца скопјани се приведен на граничниот премин „Табановце“ бидејќи едниот од нив на возраст од 59 години глумел дека е дипломат, а потоа вработен во МВР за да го помине граничниот премин со приоритет. За таа цел тој покажувал лажни документи.

-Во обид да влезат со приоритет, С.С., кој го управувал возилото „голф“ со скопски регистарски таблички, во кое се превезувале, на полициските службеници од ФРОНТЕКС им рекол дека е дипломат, приложувајќи патна исправа наводно издадена од Европски полициски комитет, а на македонските полициски службеници им рекол дека е вработен во МВР, но не ја носел службената легитимација – соопшти МВР.

При дополнителна контрола на скопјанецот ми биле најдени патни исправи, една биометриска страна за патна исправа, два пластични печати, четири лични карти и други предмети.

– Поради основано сомнение за сторено кривично дело „фалсификување исправа“ по чл.378 од КЗ, пронајдените предмети се одземени, а лицата лишени од слобода и по целосно расчистување на случајот ќе бидат поднесени соодветни поднесоци – велат од МВР.