Рубен Аморим сѐ уште не е официјално назначен за нов тренер на Манчестер јунајтед, а на Островот веќе го вперуваат прстот кон него. Легендарниот фудбалер на „ѓаволите“ Пол Сколс се сомнева дека Португалецот ќе го донесе тоа што му треба на клубот.

Поранешниот англиски репрезентативец се сомнева дека Аморим е вистинското решение за клубот по заминувањето на Ерик тен Хаг.

– Аморим е интересен тренер, но неговото доведување би било ризик. Сите го знаеме неговиот стил на игра, неговиот тим игра извонреден фудбал. Тој беше поврзуван со Сити, што доволно говори за квалитетите на Аморим. Повеќето тренери од тој тип работеле во клубови каде очекувањата не се големи.

Да го погледнеме Томас Френк на пример. Можеби е многу фит за Јунајтед, но очекувањата се сосема поинакви отколку во Брентфорд. Затоа, мислам дека замената за Тен Хаг треба да има искуство да води голем клуб – изјави Сколс за веб-страницата на Премиер лигата.

Како тренер Аморим два пати беше шампион на Португалија со Спортинг во 2021 и 2024 година.