Конзорциумот составен од шест глобални инвеститори и Националната нафтена компанија на Абу Даби склучија договор вреден 20,7 милијарди американски долари.

Со овој договор се предвидуваат вложувања на конзорциумот во износ од 10,1 милијарди долари во стекнување на 49 отсто од акциите во новооснованата подружница „ADNOC“ гасоводи, како и со стекнување на право на закуп на 38 цевководи, пренесуваат светските агенции.

„ADNOC“ ќе има мнозински удел во новоформираното претпријатие од 51 отсто и ќе го задржи сопствеништвото над гасоводите. Исто така ќе управува со тргувањето и ќе биде надлежен за капиталните расходи.

Ова е најголема инвестиција во енергетската инфраструктура во регионот на Персискиот залив и најголема во светот во 2020 година.