Италијанскиот стручњак Серџо Скариоло го продолжи договорот со шпанската кошаркарска репрезентација, а селектор на Шпанија ќе остане до 2028 година, соопшти тамошната федерација.

Скариоло е селектор на Шпанија од 2009 година, со двегодишна пауза од 2013 до 2015 година.

Со репрезентацијата на Шпанија, Скариоло ја освои титулата светски шампион (2019) и четири титули европски шампиони (2009, 2011, 2015 и 2022 година), како и два олимписки медали, сребро на Игрите во 2012 година и бронза во 2016 година.

Кошаркарите на Шпанија сè уште не се пласирале на Летните олимписки игри 2024.

А пласман во Париз ќе се обиде „црвената фурија“ да обезбеди на квалификацискиот турнир кој од 2 до 7 јули ќе се игра во Валенсија.