Поранешниот холандски репрезентативец 31-годишниот Квинси Промес би можел да заработи долгогодишна затворска казна откако официјално е обвинет за шверц на 1.3 тони кокаин вреден 75 милиони евра.

Информациите на службите се дека Промес учествувал во шверцот на кокаинот во 2020 година на пристаништето Антверпен во Белгија. Промез бил организатор на криумчарњето и ја подготвувал дрогата да биде пуштена на нарко-пазарот.

По обвиненија фудбалерот на 5. јуни ќе мора да се појави пред судот во Амстердам, но поради целата ситуација со Русија во овој момент тој веројатно нема да се појави. Промес во овој момент настапува во редовите на Спартак Москва.

Сепак, дури и да не се појави пред судот ќе му се суди во негово отсуство. Ова не е првпат Промес да има проблеми со законот, претходно учествуваше во инцидент во кој избоде свој роднина на роденденска прослава.