Претседателот на Реал Мадрид, Флорентино Перез се наоѓа во центарот на скандалот кој самиот го предизвика кога во тајност ги прозивал легендите на клубот.
Шпанскиот „Ел Конфиденсал“ дојде во посед на снимките на кои претседателот Перез нема убави зборови за двете најголеми ѕвезди на клубот, Икер Касиљас и Раул.

Перез зборувал за фудбалерите на Реал Мадрид колку вредат на пазарот и токму на удар беа Касиљас и Раул.
– Бекам е добро момче, многу е паметен, заработува 30 милиони евра. Луис Назарио да лима Роналдо исто така.  Зидан добива 25 милиони евра. Но, тука е Раул кој не продава апсолутно ништо. Човеку ништо, ниту дрес, нема ниту медиумско влијание. Тој е многу лош човек кој мисли дека Реал Мадрид е негова сопственост и поради него си заминав.  Го уништува клубот и моралот на играчите – зборува Перез за Раул кој сега работи како тренер на вториот тим на Реал Мадрид.

Претседателот Перез немаше добри зборови ниту за еден од најдобрите голмани во историјата, Икер Касиљас.
– Работата со него е што навивачите го обожуваат. Не знам зошто го бранат толку. Тој е најголемата измама во историјата на Реал. На второто место е Раул – зборува Перез кој потоа прозва и други фудбалери, но не спомена нивните имиња.
– Фудбалерите се себични, не можете да сметате на нив. Имам ужасна слика за фудбалерите, ужасна. Сум видел многу работи во животот, но не сум нешто слично како нив.

„Ел Конфиденсал“ планира сите снимки до кои дојде да го објави во текот на неделата.
Веднаш се огласи и Флорентино Перез кој смета дека ова е стратегија на весникот и Хосе Антонио Абелано против него за да му нанесат штета на проектот Европска Суперлига.