Синот на норвешката принцеза призна дека ја нападнал својата девојка: Бев на кокаин…
Мариус Борг Хоиби (27) неодамна беше во центарот на вниманието поради скандалот што го потресе норвешкото кралско семејство. Синот на норвешката принцеза Мете-Марит ја призна вината и ѝ се извини на својата девојка, која физички и психички ја нападнал, пренесува „НРК“.
Препорачано
„Минатиот викенд се случи нешто што не требаше да се случи. Извршив телесни повреди и уништување на предмети во станот во алкохолизирана состојба по расправијата и консумирање на кокаин. Имам неколку ментални нарушувања, што значи дека имав, и сè уште имам, предизвици во текот на моето растење и возрасен живот. Долго време се борам со злоупотреба на супстанци, поради што добивав третман во минатото. Сега ќе продолжам со овој третман и ќе го сфатам многу сериозно“, ја започнал својата изјава Мариус.
„Консумацијата на дрога и моите дијагнози не го оправдуваат она што се случи во станот во Фрогнер ноќта кон неделата минатиот викенд. Сакам да одговорам за стореното, а ќе дадам искрена изјава во полиција“, стои во продолжението на изјавата што Мариус ја даде преку адвокатот Ојвинд Братлиен.
Мариус додаде дека сака да ѝ се извини на својата девојка, која „не го заслужи ниту она што се случи таа вечер, ниту екстремниот притисок од норвешкиот и странскиот печат потоа“. Тој се извини и на семејството бидејќи знае дека неговите постапки многу влијаеле врз нив. На крајот, Мариус додаде дека „ја презема целосната одговорност“ за своите постапки.
Адвокатот Братлиен тврди дека ова е признание, иако Мариус формално пред суд не ја признал својата вина.
„Формално не зазеде став за кривична одговорност, бидејќи не беше на суд, но реално по обвинението има признавање на кривична одговорност“, рекол Братлиен.
Се огласи и адвокатката на нападнатата девојка Мете Ивон Ларсен.
„Добро е што тој проговори и го призна својот проблем со дрогата, а таа е среќна поради тоа“, кратко рекла таа.
Полицијата и кралското семејство немаа коментар за изјавата на Мариус.
Инаку, откако Мариус заврши во притвор, се огласи една од неговите поранешни девојки, поранешната манекенка на „Плејбој3, Џулијан Снекестад, која рече дека и нејзе психички и физички ја малтретирал додека биле во врска.
Синот на норвешката принцеза заврши во притвор: Нападнал жена, таа добила потрес на мозокот
