Италијанскиот тенисер и еден од најдобрите на светската сцена, Јаник Синер, со моќен настап го отвори својот поход на САД Опен, совладувајќи го Вит Коприва со убедливи 3-0 во сетови (6-1, 6-1, 6-2).

Синер уште од самиот старт ја наметна својата доминација, дозволувајќи му на ривалот да земе само еден гем во првиот сет (6-1), а идентична беше сликата и во вториот дел од мечот. Во третиот сет Коприва успеа да пружи малку посилен отпор, но Италијанецот без поголеми проблеми го затвори дуелот со 6-2.

Во второто коло Синер ќе се сретне со победникот од пресметката меѓу Алексеи Попирин и Финецот Емил Русувуори.